Eimreiðin Minör kominn á Miðbakkann

Í gær, 10. apríl 2017, var Bækistöð Faxaflóahafna sf. að setja upp eimreiðina Minør á Miðbakka. Yfirleitt er eimreiðin sett upp í kringum sumardaginn fyrsta og tekin niður í kringum fyrsta vetrardag.

Í ár eru hundrað ár liðin síðan eim­reiðarnar Minør og Pioner luku verki sínu við gerð Gömlu hafnarinnar.  Eimreiðin Minør hefur ávallt verið í vörslu Faxaflóahafna yfir vetrartímann á meðan eimreiðin Pioner hefur verið varðveitt allt árið í kring á Árbæjarsafni. Eimreiðarnar voru keyptar hingað til lands vegna hafn­ar­gerðar.  Þar að auki var járn­braut lögð frá Öskju­hlíð að Reykja­vík­ur­höfn og síðar einnig frá Skóla­vörðuholt­inu.

17902750_10154836011710432_848158821_o

Pioneer-eimreiðin. Við hlið hennar standa eimreiðarstjórarnir Guðmundur Guðmundsson og Páll Ásmundsson.

17887640_10154836011500432_1151726330_o

Blaðamenn og bæjarfulltrúar um borð í eimlestinni í skoðunarferð um athafnarsvæði hafnargerðarinnar í nóvember 1913.

17902788_10154836011580432_1405859113_o

Minor-eimreiðin með fjölda vagna á Grandagarði. Verkamenn ganga á sliskjum meðfram brautinni en verið er að hvolfa úr nokkrum vögnum til vesturs. Örfirisey í baksýn.