Faxaflóahafnir

Inger Klein Olsen skipstjóri á Queen Victoria siglir inn til Reykjavíkur 24. júní

Það fer vel á því að óska öllum konum til hamingju með daginn í dag sem helgaður er kvennréttindum og segja frá því að þann 24. júní kemur skemmtiferðaskipið Queen Victoria til hafnar í Reykjavík.  Skipstjóri á þessu 90 þúsund brúttórúmlesta skipi er færeysk kona að nafni Inger Klein Olsen.  Inger hefur verið skipstjóri hjá Cunard skipafélaginu í um 10 ár og var hún fyrst kvenna til að taka við þeirri stöðu í 170 ára sögu félagsins.

Nýr löndunarkrani á Bótarbryggju

Tekinn hefur verið í notkun nýr löndunarkrani  á Bótarbryggjunni í Vesturhöfn  Reykjavíkur.

Kraninn er af gerðinni MKG-HMC66 frá fyrirtækinu Framtak – Blossi ehf.  í Garðabæ sem einnig önnuðust uppsetningu hans.

Kraninn leysir af hólmi eldri krana á sama stað og mun því bæta aðstöðu smábátasjómanna í höfninni í Reykjavík.   

Bókun stjórnar Faxaflóahafna sf. vegna umhverfisúttektar á Grundartanga

Sem kunnugt er lét stjórn Faxaflóahafna sf. þrjá óháða sérfræðinga gera úttekt á ástandi umhverfismála á Grundartanga og leggja mat á þá umhverfisvöktun sem þar er.  Eftir umfjöllun stjórnarinnar á efni skýrslunnar var eftirfarandi fært til bókar á fundi stjórnarinnar í dag: