Ár 2014, föstudaginn 14. mars kom stjórn Faxaflóahafna sf. saman til fundar í fundarherbergi hafnarstjórnar í Hafnarhúsinu við Tryggvagötu og hófst fundurinn kl. 09:00.
Mættir:

Hjálmar Sveinsson

Páll Hjaltason

Oddný Sturludóttir

Júlíus Vífill Ingvarsson

Þorbjörg Helga Vigfúsdóttir

Sveinn Kristinsson

Sigurður Sverrir Jónsson

Páll Brynjarsson

Áheyrnarfulltrúar:

Gunnar Sigurðsson

Erlingur Þorsteinsson

Auk þess sátu fundinn: Jón Þorvaldsson, aðstoðarhafnarstjóri, Vignir Albertsson, skipulagsfulltrúi, Guðmundur Eiríksson, forstöðumaður tæknideildar og Gísli Gíslason, hafnarstjóri, sem jafnframt ritar fundargerð.
1. Ársreikningur Faxaflóahafna sf. fyrir árið 2013 ásamt endurskoðunarskýrslu og greinargerð hafnarstjóra. Viðræður við endurskoðendur.
Árni Claessen, lögg. endurskoðandi frá KPMG og Ólafur Björnsson, mættu á fundinn og gerðu grein fyrir niðurstöðu endurskoðunar. Hafnarstjórn samþykkir ársreikninginn. 
2. Ársreikningur Menntunarsjóðs Þórarins Kristjánssonar fyrir árið 2013.
Hafnarstjóri gerði grein fyrir niðurstöðu ársreikningsins og var hann samþykktur. 
3. Ársreikningur Halakots ehf. fyrir árið 2013.
Hafnarstjóri gerði grein fyrir niðurstöðu ársreikningsins og var hann samþykktur. 
4. Kjarasamningamál.

a. Kjarasamningur við Eflingu, Samiðn og Verkstjórasamband Íslands., dags., 11.3.2014.

b. Bréf og tölvupóstur félags skipstjórnarmanna ódags.

Hafnarstjórn samþykkir fyrirliggjandi kjarasamning við félögin þrjú. Hafnarstjóri gerði grein fyrir stöðu mála varðandi þau félög sem enn er ósamið við. 
5. Samantekt og tillögur hafnarstjóra vegna breytinga á fjárhagsáætlun ársins 2014.
Hafnarstjóri gerði grein fyrir málinu. Hafnarstjórn samþykkir þær tillögur að breytingum sem felur í sér aukin framlög til framkvæmda upp á 175,0 mkr. og lækkun á rekstrarafkomu sem nemur um 40,0 mkr. 
6. Lóðamál á Grundartanga. Drög að skilmálum vegna Silicor.
Hafnarstjóri gerði grein fyrir skilmálum sem ræddir hafa verið við Silicor á Grundartanga og stöðu skipulagsmála. Hafnarstjórn felur hafnarstjóra að halda viðræðum áfram á þeim grundvelli sem fram er lagður. 
7. Bréf Eignarhaldsfélagsins Spalar hf. og Spalar ehf. dags., 27.2.2014, þar sem boðað er til aðalfunda félaganna þann 18. mars n.k. Ársreikningur félaganna og skýrsla stjórnar fyrir árið 2013
Lagt fram. Hafnarstjóra falið að fara með umboð fyrirtækisins á aðal-fundinum.
Lagt fram.
8. Bréf fjármálaskrifstofu Reykjavíkurborgar, dags., 27.2.2014, um tíma- og verkáætlun vegna fjárhagsáætlunar Reykjavíkurborgar 2015-2019.
Lagt fram. 
9. Erindi Jóns Ágústs Þorsteinssonar f.h. Klappa ehf. og Þorsteins Jónssonar, dags., 15.1.2014, þar sem óskað er eftir samstarfi við Faxaflóahafnir sf. um umhverfisvernd hafnarsvæða og þátttöku í öndvegissetri um verndun hafsins o.fl.
Formaður hafnarstjórnar gerði grein fyrir viðræðum við fulltrúa Klappa ehf. Hafnarstjórn tekur jákvætt í þátttöku öndvegisseturs um verndun hafsins án þess að því fylgi sérstakar fjárskuldbindingar. 
10. Bréf skipulagsfulltrúa Reykjavíkurborgar, dags. 25.2.2014, vegna fyrirspurnar varðandi tillögu að staðsetningu nýs innsiglingarvita Gömlu hafnarinnar.
Aðstoðarhafnarstjóri gerði grein fyrir málinu. Lagt fram. 
11. Erindi Parlogis ehf. dags., 10.2.2014, varðandi flokkun lyfja og hjúkrunarvara í gjaldskrá.
Hafnarstjórn samþykkir að lyf og hjúkrunarvörur falli í 3. flokk vörugjalda. 
12. Minnisblað forstöðumanns rekstrardeildar, dags., 27.2.2014, varðandi siglingar með “víkingaskipi” frá Reykjavík.
Hafnarstjórn felur hafnarstjóra að vinna áfram að málinu. 
13. Breyting á deilskipulagi lóðarinnar Klettagarðar 11.
Hafnarstjórn samþykkir að óska eftir formlegri meðferð skipulagsráðs Reykjavíkurborgar á breytingunni.
ÞHV vék af fundi kl. 10:30. 
14. Beiðni um breytingu á deiliskipulagi á Norðurgarði og Grandagarði 20.
Hafnarstjórn er samþykk breytingunni og felur hafnarstjóra að láta vinna nauðsynleg gögn sem send verði skipulagsráði Reykjavíkurborgar til formlegrar meðferðar. 
15. Lóðaumsóknir:

a. Umsókn Stólpa Gáma ehf., ódags., um lóð við Sægarða 11 og til vara við Korngarða 3.

b. Umsókn Rafmiðlunar hf., dags. 12.3.2014, um lóð að Mýrarholsvegi 2, Grundartanga.

Hafnarstjórn samþykkkir að fela hafnarstjóra að ganga til viðræðna um lóðagjaldasamning við Stólpa Gáma ehf. og Rafmiðlun vegna lóðanna Særgarðar 11 og Mýrarholtsveg 2 með fyrirvara um framkvæmdir Faxaflóahafna sf. til að gera lóðirnar byggingarhæfar.
JVI vék af fundi kl. 11:00. 
Fleira ekki gert,
fundi slitið kl. 11:00