Hinn eini sanni jólaandi var ríkjandi við Reykjavíkurhöfn þegar ljósin á Hamborgartrénu voru tendruð og 60 ára sögu gjafmildi og þakklætis fagnað.
Fjölmenni mætti á Miðbakka Reykjavíkurhafnar þegar ljósin á Hamborgartrénu voru tendruð fyrstu aðventuhelgi ársins. Jólasveinar komu siglandi inn í Gömlu höfnina, lúðrasveit Hafnarfjarðar lék jólalög og sendiherra Þýskalands á Íslandi, Clarissa Duvigneau, tendraði ljósin á trénu. Sveinarnir leiddu síðan gesti að fiskisúpu í boði Brims í húsi Landsbankans þar sem þeir skemmtu börnunum og Martgrét Arnardóttir lék á harmonikku.
Hamborgaréð mun prýða Miðbakkann – öllum til gleði og yndisauka sem heimsækja Gömlu höfnina í höfuðborginni yfir hátíðarnar ⚓🎄❄️
60 ára saga gjafmildi og þakklætis
Í dag eru liðin 60 ár frá því að jólatré frá Hamborg kom fyrst til Reykjavíkur með kveðjunni “von Seeleuten für Seeleuten in der Polarnacht” sem útleggst “frá sjómönnum til sjómanna sem búa undir heimskautanóttinni”.
Uppruni hefðarinnar má rekja til lok síðari heimsstyrjaldar þegar stór skortur og atvinnuleysi ríkti í Þýskalandi. Íslenskir sjómenn sem sigldu með fisk til Hamborgar elduðu gjarnan stórar pönnur af fiskisúpu fyrir fólk sem safnaðist saman við höfnina. Þessi einfalda en áhrifaríka hjálpsemi varð að táknrænum tengslum borganna og lagði grunn að hefðinni um jólatré Hamborgar til Reykjavíkur.
Nú erum við Íslendingar orðnir sjálfbærir í jólatrjám og því er ekki lengur siglt landa á milli með tréð. Í staðinn styrkja Faxaflóhafnir íslenska skógrækt með kaupum á jólatré hjá Land og skógur (áður Landgræðslan og Skógræktin)
Samvinna við Reykjavíkurhöfn
Faxaflóhafnir standa að tendrun Hamborgartrésins í samvinnu við félög, hús og fyrirtæki við Reykjavíkurhöfn sem eru; Landsbankinn, Brim, Harpa, Hafnartorg, Sjómannadagsráð og Þýsk-íslenska viðskiptaráðið.
