Ilivileq er frystitogari í eigu dótturfélags Brims og er skráð í Qaqortoq á Suður Grænlandi. Skipið er eitt það full­komn­asta í Norður Atlants­hafi. Ilivileq var smíðað í Gijon á Norður-Spáni og er 81,8 metr­ar að lengd, 17 metra breitt og um 5.000 brútt­ót­onn að stærð. Skipið er með nýja kyn­slóð af vél­um frá Ber­gen-Diesel og Rolls-Royce, þ.e. 5.400 kW afli.

Ilivileq kom fyrst til hafnar í Reykjavík í maí 2020. Í sumar byrjaði skipið að prufa 500 Ampera straum tengingu í gegnum tvo tengikassa frá Faxaflóahöfnum. Þar sem sú prófun gekk vel, þá var ákveðið á haustdögum að skipið myndi vera með þessa tengingu meðan það liggur við bryggju fram yfir áramót  Þetta er mikil framför og hafa Faxaflóahafnir ekki sett upp svona stóra tengingu um borð í togara fyrr. Með því að landtengjast á þennan hátt, þarf skipið ekki að vera með kveikt á ljósavélum á meðan. Umhverfislega séð er það mjög góð þróun því ljósavélum fylgir oft hávaði og titringur sem getur valdið truflunum. Með því að slökkva á ljósvélum skipsins, þá minnkar útblástur CO2 í andrúmsloftið sem er í takt við stefnu Íslands að draga úr koltvísýringslosun.

Ljósmynd: Sigurjón Ásgeirsson

Ljósmynd: Sigurjón Ásgeirsson

FaxaportsFaxaports linkedin