Nýi vitinn á Skarfagarði
Nýr viti hefur verið reistur á endanum á Skarfagarði í Sundahöfn. Skarfagarður og aðliggjandi svæði hefur verið að taka breytingum m.a. með opnun á aðgengis að sandströnd við Skarfaklett. Þá verður gönguleið fram á enda Skarfagarðs malbikuð á næstu dögum.
Nýi vitinn er smíðaður af járnsmiðum Faxaflóahafna sf eftir sömu teikningu og innsiglingavitarnir, sem eru í Gömlu höfninni og hafa verið frá opnun þeirrar hafnar. Vitarnir í Gömlu höfninni vorur reyndar endurnýjaðir árið 1993, en þeir voru einnig smíðaðir af járnsmiðum fyrirtækisins.
Eftir er að ganga frá hleðslu í kringum nýja vitann auk annarra umhverifsbóta, en það verður gert á næstu vikum.
