Hlutverk Faxaflóahafna er að vera drifkraftur viðskipta- og atvinnulífs á Faxaflóasvæðinu,
að skapa virði í samfélaginu með þróun hafnarinnviða og hafnarsvæða og að veita
skilvirka þjónustu við skip.
FRAMTÍÐARSÝN
Faxaflóahafnir eru meðal fremstu hafna í Norður-Atlantshafi og með áherslu á uppbyggingu hafnarinnviða styrkja Faxaflóahafnir samkeppnisstöðu Íslands. Faxaflóahafnir eru grænar, öruggar og skilvirkar hafnir með sjálfbærni að leiðarljósi. Skipulagning svæða er með grænum áherslum fyrir fjölbreytt samfélag og nýsköpun í hafnsækinni starfsemi.
STEFNUÁHERSLUR
Öruggar hafnir
Fyrirmynd í öryggi og öflug hafnavernd þar sem markvist er unnið að því að koma í veg fyrir slys, umhverfis- og eignatjón.
Grænar hafnir
Forysta í loftslags- og umhverfismálum í hafnsækinni starfsemi. Faxaflóahafnir eru kolefnishlutlausar í eigin rekstri.
Skilvirkar hafnir
Þróa hafnarinnviði sem stuðla að skilvirkri og snjallvæddri þjónustu við skip og aðra viðskiptavini.
Mannauður
Framsækinn og eftirsóttur vinnustaður þar sem mannauður þróast til að takast á við tækifæri og áskoranir til framtíðar.
Markmið sem styðja við stefnuáherslur Faxaflóahafna
Koma í veg fyrir slys og tjón
Auka nýtingu auðlinda
Bæta vinnustaðamenningu
Bæta úrgangsstjórnun
Snjallvædd þjónusta
Auka kolefnisjöfnun
Snjallvædd starfssemi
Auka umhverfisvitund
Tryggja öfluga hafnarvernd
Þróun mannauðs
Bæta loftgæði í kringum hafnir
Auka hlutfall umhverfisvænnar orku
Undirstefnur Faxaflóahafna styðja enn frekar við stefnuáherslur og markmið hér að ofan
Faxaflóahafnir sf. er fyrirtæki í hafnarþjónustu, þróun hafnarinnviða og lands. Fyrirtækið leggur áherslu á að vera leiðandi og til fyrirmyndar í öryggis-, heilbrigðis- og umhverfismálum (ÖHU). Fyrirtækið skuldbindur sig til að vinna að stöðugum umbótum í því skyni að auka öryggis-, heilbrigðis- og umhverfisvitund starfsmanna, viðskiptavina og þjónustuaðila sinna. Á þann hátt er áhætta starfseminnar lágmörkuð.
Helstu áherslur Faxaflóahafna sf. í öryggis-, heilbrigðis- og umhverfismálum eru að:
- Uppfylla viðeigandi kröfur laga og reglugerða, framfylgja leiðsögn stjórnvalda og eigenda í öryggis-, heilbrigðis- og umhverfismálum.
- Starfsumhverfi sé heilbrigt og vinnustaðamenning stuðli að jafnrétti og fjölbreytni.
- Varnarlög séu skilgreind á grundvelli áhættumats fyrir starfsemina.
- Starfsfólk þekki og uppfylli öryggis- og umhverfisreglur.
- Starfsfólk, með stuðningi stjórnenda, móti og taki virkan þátt í stöðugum umbótum.
- Starfsfólki sé boðið reglubundnar heilsufarsmælingar og ráðgjöf.
- Atvik séu skráð og orsök þeirra greind með það að markmiði að finna umbótatækifæri.
- Öryggis- og umhverfismál séu höfð að leiðarljósi við hönnun og rekstur mannvirkja og svæða.
- Viðhafa reglulegt og markvisst eftirlit með ástandi vinnusvæða, mannvirkja, tækja og öryggisbúnaðar.
- Áhersla sé lögð á öryggis- og umhverfismál við kaup á vörum og þjónustu.
- Sömu kröfur séu gerðar til allra sem sinna verkefnum á vegum Faxaflóahafna, þ.m.t. verktaka.
- Fyrirtæki með starfsemi á svæðum Faxaflóahafna séu hvött til þess að uppfylla viðurkenndar heilbrigðis-, öryggis- og umhverfiskröfur.
- Skipulag skili hagrænum ávinningi þar sem lífsferilssjónarmið séu höfð til hliðsjónar.
- Umhverfisáhrif framkvæmda séu lágmörkuð.
- Markmið séu sett í loftlagsmálum m.t.t. minnkunar kolefnislosunar og hlutleysis og gripið sé til markvissra aðgerða til að tryggja þann árangur.
- Umgengni sé til fyrirmyndar á svæðum Faxaflóahafna.
- Mengun sé vöktuð og gripið sé til viðeigandi ráðstafana til að hindra skaðlegar afleiðingar.
- Dregið sé úr úrgangi, hann flokkaður, endurunninn og urðun lágmörkuð.
- Viðhalda vottuðu heilbrigðis- og öryggisstjórnunarkerfi (ISO 45001) og umhverfisstjórnunarkerfi (ISO 14001) í samræmi við kröfur staðlanna.
Allt starfsfólk Faxaflóahafna skal fá greidd jöfn laun og njóta sömu starfskjara fyrir jafnverðmæt störf. Faxaflóahafnir vinna markvisst að jafnri stöðu starfsfólks í samræmi við jafnréttisáætlun sem miðar að því að Faxaflóahafnir sé góður og eftirsóknarverður vinnustaður fyrir alla.
MARKMIÐ:
- Að konur og karlar og fólk með hlutlausa skráningu kyns í þjóðskrá fái jöfn laun og njóti sömu kjara fyrir sömu eða jafnverðmæt störf.
- Laus störf standi öllum opin óháð kyni, kynþætti, þjóðernisuppruna, trú, lífskoðun, fötlun, skertri starfsgetu, aldri, kynhneigð, kynvitund, kyneinkennum eða kyntjáningu
- Að auka fjölbreytileika starfshópsins.
- Starfsfólki verði gert kleift að samræma starfsskyldur sínar og ábyrgð gagnvart fjölskyldu.
- Að starfsþjálfun, endurmenntun og símenntun verði aðgengileg öllu starfsfólki.
- Að kynbundið ofbeldi, kynbundin áreitni og kynferðisleg áreitni verði ekki liðin
- Koma í veg fyrir skaðlega vinnustaðamenningu og koma í veg fyrir kynbundið ofbeldi, kynbundna áreitni og kynferðislega áreitni
