Nýr rampur til upptöku og niðursetningar báta var í dag fullkláraður í Borgarneshöfn. Þó svo að umsvif í Faxaflóahafna sf. séu víðar meiri en í Borgarnesi skiptir ný aðstaða máli fyrir þá sem þar eru með báta og ekki síður er rampurinn mikið öryggisatriði fyrir björgunarsveitir. Rampurinn var hannaður og gerður í góðu samstarfi við notendur og tillit tekið til margra góðra ábendinga um hvernig legu hans væri best háttað.
Með rampinum er komin góð aðstaða fyrir notendur Borgarneshafnar og öryggi björgunarsveita og viðbragðsaðla sem koma þurfa bát á sjá í snatri orðin mjög góð. Með auknum skemmtisiglingum á Faxaflóa er mikilvægt að auðvelt sé að koma báti út ef á þarf að halda. Björgunarsveitin Brák er ein öflugra björgunarsveita á starfssvæði Faxaflóahafna sf.sem starfar í Borgarfjarðarhéraði en sveitin sinnir ekki síður sjóbjörgun ef á þarf að halda en björgun upp til fjalla og jökla. Faxalfóahafnir sf. strykja starfsemi björgunarsveitanna á starfssvæði fyrirtækisins og þar með talið Björgunarsveitina Brák.
Á myndinni hér til hliðar má sjá hvar laganna vörður í Borganesi tekur út mannvirkið í hefðbundinni borgfirskri blíðu – og brosir ánægður í kampinn!