Þar sem lengingu Skarfabakka er lokið var hægt að koma fyrir tveimur skipum á bakkann, en Crystal Symphony er 237 metra langt skip og mælist 51.000 brúttótonn. Með því að lengja Skarfabakka úr 450 metrum í 650 metra, en því verki lauk í vor, er hægt að koma fyrir tveimur mjög stórum skipum á bakkann í einu. Með lengingunni er nú hægt í flestum tilfellum að taka öll skip að bryggju, en áður fyrr lágu skip út á vegna þess að ekki var pláss við bryggju.
Crystal Symphony kemur frá Ameríku og skiptir hér um farþega og heldur áfram til Evrópu á miðvikudag og stoppar því hér í 3 daga. Adventure of the Seas stoppar yfir nótt í Reykjavik og heldur áleiðis til Akureyrar á þriðjudagseftimiðdag.
Þriðja skipið, Sea Explorer, liggur við Miðbakkann í Gömlu höfninni og þar var skipt um 120 farþega í dag og fer skipið áleiðis til Grænlands í kvöld.