Matráður - Viltu vera hluti af öflugri liðsheild?

Faxaflóahafnir er stærsta höfn landsins þar sem starfa um 80 manns á starfsstöðvum fyrirtækisins í Reykjavík, á Akranesi, Grundartanga og í Borgarnesi. Við leggjum áherslur í að vera leiðandi í umhverfis- og öryggismálum við þróun snjallra og skilvirkra hafna framtíðarinnar.

Við leitum að fólki með góða hæfni í mannlegum samskiptum, frumkvæði og sjálfstæði í starfi.

Ef þú ert þessi einstaklingur þá viljum við heyra frá þér.

Matráður

Við auglýsum laust starf matráðs á viðhaldsverkstæði Faxaflóahafna sem er við Fiskislóð 12 í Reykjavík.

Starfshlutfall er 60% og miðað er við mætingu kl. 9.00 mánudag til fimmtudag.

Kröfur til starfsins

• Snyrtimennska

• Færni í samskiptum við fólk og fyrirtæki

Helstu verkefni

• Sér um kaffi starfsfólks og framreiðslu á aðkeyptum hádegismat í mötuneyti.

• Sér um frágang eftir máltíðir. Annast reglulega ræstingu á húsnæði áhaldahúss, fyrir utan verkstæðisrými.

• Annast matarpantanir.

• Hefur umsjón með því að tæki og búnaður tengt mötuneyti og ræstingu áhaldahúss starfi eðlilega og lætur yfirverkstjóra vita ef viðgerða/lagfæringa er þörf.

• Annast önnur þau störf, sem viðkomandi kunna að vera falin af yfirmanni og falla innan eðlilegs starfsviðs hans.

Nánari upplýsingar um starfið gefur J. Snæfríður Einarsdóttir, sviðsstjóri hafnarinnviða; snaefridur@faxafloahafnir.is

Umsókn, ásamt ferilskrá sendist til Faxaflóahafna, á netfangið olafur@faxafloahafnir.is, eigi síðar en sunnudaginn 24. maí n.k.