Ný stjórn Faxaflóahafna tekur til starfa

Ný stjórn Faxaflóahafna var kjörin á framhaldsaðalfundi félagsins 26. ágúst. Stjórnin er skipuð sjö fulltrúum eigenda félagsins sem eru Reykjavíkurborg, Akraneskaupstaður, Hvalfjarðarsveit og Borgarbyggð. Brynjar Níelsson er nýr formaður stjórnar.

Fimm af sjö aðalmönnum stjórnar eru nýir. Ragnheiður H. Magnúsdóttir situr áfram sem óháður stjórnarmaður fyrir hönd Reykjavíkurborgar og Páll Brynjarsson sem sameiginlegur óháður fulltrúi Akraneskaupstaðar, Borgarbyggðar og Hvalfjarðarsveitar.

Úr stjórninni hverfa Líf Magneudóttir, fráfarandi formaður, Hildur Björnsdóttir, fráfarandi varaformaður, og Már Másson fyrir hönd Reykjavíkurborgar, Helga Harðardóttir fyrir hönd Hvalfjarðarsveitar og Guðmundur Ingþór Guðjónsson fyrir hönd Akraneskaupstaðar.

Fráfarandi stjórn eru færðar bestu þakkir fyrir góð störf í þágu Faxaflóahafna.

Stjórn Faxaflóahafna er kosin samkvæmt sameignarfélagssamningi fyrir Faxaflóahafnir. Hér má nálgast starfsreglur stjórnar, siðareglur og fundargerðir.

Fyrir hönd Reykjavíkurborgar:

Aðalmenn:

• Brynjar Níelsson, formaður

• Regína Ásvaldsdóttir

• Anna Björk Bjarnadóttir, óháður stjórnarmaður

• Ragnheiður H. Magnúsdóttir, óháður stjórnarmaður

Varamenn:

• Bjarni Eggerts Guðjónsson

• Bjarnveig Birta Bjarnadóttir

• Helena Westhöfer Óladóttir, óháður stjórnarmaður

• Sigurbjörg Ásta Jónsdóttir, óháður stjórnarmaður.

Fyrir hönd Akraneskaupstaðar:

• Aðalmaður: Líf Lárusdóttir

• Varamaður: Guðmundur Ingþór Guðjónsson

Fyrir hönd Hvalfjarðarsveitar:

• Aðalmaður: Haraldur Benediktsson

• Varamaður: Guðrún Sigríður Gísladóttir

Sameiginlegur óháður fulltrúi Akraneskaupstaðar, Borgarbyggðar og Hvalfjarðarsveitar:

• Aðalmaður: Páll Brynjarsson

• Varamaður: Hrafnhildur Tryggvadóttirfyrir

Faxaflóhafnir tengja Ísland við umheiminn

Faxaflóahafnir tengja stærsta markaðs- og atvinnusvæði Íslands við umheiminn og miðin. Félagið rekur umfangsmestu hafnir landsins í Reykjavík, Akranesi, Grundartanga og Borgarnesi og leggur áherslu á að vera leiðandi í umhverfis- og öryggismálum við þróun snjallra og skilvirkra hafna framtíðarinnar.

Frekari upplýsingar um stefnu, sýn og hlutverk Faxaflóhafna má nálgast hér.