Haustfundur Faxaflóahafna 2026

Haustfundur Faxaflóahafna verður haldinn þriðjudaginn 27. október klukkan 14:00 í Vör við Viðeyjarsund.

Á fundinum verður farið yfir rekstur, framkvæmdir og framtíðaráform Faxaflóahafna, rætt um sóknarfæri í ferðaþjónustu á höfuðborgarsvæðinu og hlutverk hafna og innviða í ljósi breyttrar stöðu öryggis- og varnarmála í heiminum.

Dagskrá:

• ​Brynjar Níelsson, stjórnarformaður Faxaflóahafna – Setning fundar

• ​Gunnar Tryggvason, hafnarstjóri – Rekstur og áherslur Faxaflóahafna

• ​Inga Rut Hjaltadóttir, sviðsstjóri framkvæmdasviðs – Framkvæmdir og framtíð hafnanna

• ​Inga Hlín Pálsdóttir, framkvæmdastjóri Markaðsstofu höfuðborgarsvæðisins – Skemmtiferðaskip og sóknarfæri í ferðaþjónustu

• ​Auðunn F. Kristinsson, framkvæmdastjóri stefnumótunar og þróunar hjá Landhelgisgæslu Íslands – Siglingar, innviðir og öryggi í breyttu umhverfi

• ​Umræður og fyrirspurnir

Fundarstjóri: Eldar Ástþórsson, markaðs- og samskiptastjóri Faxaflóahafna.

Öll velkomin – tryggðu þér sæti

​Fundurinn er opinn öllum á meðan húsrúm leyfir. Nauðsynlegt er að skrá sig. Aðilar með starfsemi á hafnarsvæðum Faxaflóahafna eru sérstaklega hvattir til að mæta.

✍️ Skráðu þig á fundinn hér

Fundurinn fer fram í Vör 🚢

Vör er ný fjölnota farþegamiðstöð í Reykjavíkurhöfn sem fær nýtt hlutverk yfir vetrarmánuðina. Miðstöðin stórbætir aðstöðu fyrir farþega og styður við markmið Faxaflóahafna um fjölgun skiptifarþega – þeirra sem hefja eða ljúka skemmtisiglingu sinni hérlendis, dvelja lengur á landinu og skapa þar með aukin verðmæti fyrir íslenskt efnahagslíf og samfélag.

📍 Vör – Skarfagarðar 6, 104 Reykjavík (google maps)

Faxaflóahafnir tengja Ísland við umheiminn

Faxaflóahafnir tengja stærsta markaðs- og atvinnusvæði Íslands við umheiminn og miðin. Félagið rekur umfangsmestu hafnir landsins í Reykjavík, Akranesi, Grundartanga og Borgarnesi og leggur áherslu á að vera leiðandi í umhverfis- og öryggismálum við þróun snjallra og skilvirkra hafna framtíðarinnar.