Vör - opnunarhátíð fyrir alla fjölskylduna ⚓⛵🪢

Faxaflóhafnir bjóða ykkur hjartanlega velkomin á opnunarhátíð Varar, nýrrar fjölnota farþegamiðstöðvar við Viðeyjarsund, sunnudaginn 31. maí klukkan 13:00-16:00.

Boðið verður upp á fjölbreytta fjölskyldudagskrá, vinnusmiðjur og margskonar uppákomur fyrir yngri kynslóðina.

Dagskrá:

• Barna-Rave 🪩
  Ívar Pétur Kjartansson
  Dansviðburður fyrir börn á öllum aldri.

• Búum til báta ⛵
  Sesselja Konráðsdóttir, myndalistakennari
  Föndurhorn þar sem þátttakendur hanna sína eigin báta.

• Hnútakennsla 🪢
  Skátarnir
  Tækifæri til að læra helstu hnúta sem notaðir eru í siglingum og sjómennsku.

• Litla hafnarteiknistofan 🧑‍🎨
  Kristín Dóra Ólafsdóttir, listakona og kennari
  Hér geta krakkar og fjölskyldur teiknað bryggjur, báta og allt sem tengist lífinu við höfnina.

• Ljósmyndahorn 🛟
  Björgunarsveitin Ársæll
  Mátaðu búnað og taktu skemmtilegar myndir - hjálmar, vesti og talstöðvar eins og í alvöru útköllum.

• Vísindahornið - Ævintýri hafsins 🌊
  Sævar Helgi Bragason, sjónvarpsmaður og rithöfundur
  Helena Gylfadóttir, deildarstjóri Dýraþjónustu Reykjavíkur og Húsdýragarðinum
  Stjörnu-Sævar og Helena leiða gesti inn í heim vísinda og hafsins á lifandi og aðgengilegan hátt.

Veitingar:

• Valdís 🍦😋
  Ís fyrir börn og fullorðna sælkera

• Kaffi og kleinur ☕
  Djús fyrir yngri kynslóðina

Staður og stund

📍 Vör - Skarfagarðar 6, 104 Reykjavík
⚓ Sunnudagur 31. maí, 13:00-16:00
🩵 Öll hjartanlega velkomin

Vör - ný fjölnota farþegamiðstöð við Viðeyjarsund

Vör er ný fjölnota farþegamiðstöð í Reykjavík sem stórbætir þjónustu, skilvirkni og öryggi fyrir erlenda ferðamenn. Utan annatíma skemmtiferðaskipa á veturna mun húsið hýsa fjölbreytta viðburði, veislur og samkomur. Vör fékk nafn sitt í nafnasamkeppni í upphafi árs þar  6.025 nafnatillögur frá 3.384 einstaklingum.

Búist er við alls 301.567 ferðamönnum til Reykjavíkur í vor, sumar og haust sem sigla til eða frá borginni með skemmtiferðaskipum. Ríflega helmingur farþega eru skiptifarþegar (e. turnaround passangers) sem hefja eða ljúka för sinni hérlendis, dvelja lengur á landinu og skapa þar með aukin verðmæti fyrir íslenskt efnhagslíf. Faxaflóahafnir hafa síðustu ár unnið markvisst að því að fjölga þessum hópi farþega og er opnun nýrrar farþegamiðstöðvar liður í að geta veitt þeim viðunanndi aðstöðu til þess að hefja eða ljúka ferð sinni í Reykjavík.

Sjá má myndir og myndband af fyrstu skipakomunni í Vör hér og komu hins glæsilega Norwegian Star hér.

Faxaflóhafnir tengja Ísland við umheiminn og miðin

Faxaflóahafnir tengja stærsta markaðs- og atvinnusvæði Íslands við umheiminn og miðin. Félagið rekur umfangsmestu hafnir landsins í Reykjavík, Akranesi, Grundartanga og Borgarnesi og leggur áherslur í að vera leiðandi í umhverfis- og öryggismálum við þróun snjallra og skilvirkra hafna framtíðarinnar.